2 Murcia, de Jahen, de Algarbe, de Algesira, e senyor de Molina, {por} ffaser bien e merced e limosna al abad e al conuento del monesterio de Santa Ma-

3 -ria de Val Paraiso, que es en ell obispado de Çamora, quitamos los sseys cientos marauedis de la nostra yantar, que nos auiemos de cada anno del dicho

4 monesterio, e tenemos por bien que los non paguen, ssaluo quando nos acaesciessemos en ell dicho monesterio por nuestro cuerpo, que tenemos por bien que

5 nos la den. E, por esta nuestra carta, mandamos aquel quien o aquiels quien que ayla a coger o a recabdar las nuestras yantares del dicho obispado, o al-

6 -guna guna dellas, agora e daqui adelante, en rrenta o en fialdat, uey otra manera qual quier, que non prenden ni tomen nin demanden ninguna cosa, del a-

7 -bad e conuento del dicho monesterio, por raçon de los dichos sseys cientos marauedis que nos solemos auer del dicho monesterio por nuestra yantar,

8 commo dicho es, nin de parte dellos, ça nos tenemos por vien que los non paguen, saluo quando nos por nuestro cuerpo acaescieramos en ell dicho

9 monesterio. E non ffagan, ende, al por ninguna manera, sso pena de la nuestra merces e de cient marauedis de la moneda nueua a cada vno. Edeffendemos que

10 ninguno, nin ningunos, nos ssean osados de los yr nin de los pasar contra esta merced quels nos ffacemos, nin contra parte della, ça qual quier que

11 los ffisiese prechar (¿?) nos yia, en pena, mill marauedis de la moneda nueua, e al abad e conuento del dicho monesterio, e ageren, si los teniese, to-

12 -do el danno e menoscabo que, por ende, rrestribuesen doblado. E sobresto mandamos aquels quier alcaldes, e iuysos, e iusticias, e merynos, e alguasiles,

13 e officiales del nostro ssenyorio, e aquels quier e aquel quier dellos {que esta} nuestra carta viesen, que anparen e deffiendan al abad e conuento del dicho mones-

14 -terio con esta merced quels nos fasemos, e que non consientan a ninguno nin ningunos quels vayian nin passen contra ella. E si alguno se ouiere

15 que contra esto lis quisier yr o pas....en, quelo non consientan, e les prendan por la dicha pena a cada vno, e la guarden para ffaser della lo

16 que nos manderemos, est (¿?) non E..... ende al, sola dicha pena. Et demas, por quos quier aquel quier dellos ... quien ffinen quelo assia ffaser t..p.r (¿?) non

17 quieren (¿?) mandamos, al, que esta nuestra carta les mostrare, que los enplasen que parescan ante nos, do quier que nos seamos, dels dia quelos emplasen a quinse dias,

18 ssopena de cent marauedis de la moneda nueva a cada vno, adesir por quel rrason non querien conplir nostro mandato et de commo les esta nuestra carta ffuese mos-

19 trada a los vnos e los otros, la cunpliesen, mandamos aqual quier esbirro (¿?) publico que por esto fuere llamado que, de ende a que esta nostra carta mostrar

20 ..s...enio ssignado con su signo, por que nos ssepamos en commo cunplen nostro mandato, et non faga ende al, sopena de cient marauedis de la moneda nue-

21 -ua. Et desto mandamos dar al abad e conuento del dicho monesterio esta nuestra carta scellada con nuestro sscello de plomo rodado, en Ylies-

22 -cas, tres dias de abril, era de mille et trescientos e ochenta e çinco annos. S{ignum} Yo Mathias Fferres (¿?) la ffase escriuir

23 por mandado del Rey.